منتديات السيابي نت

    ظنك اجي أركع لرجلك

    شاطر
    avatar
    ولد صغرون
    Admin

    عدد المساهمات : 55
    تاريخ التسجيل : 17/03/2011
    الموقع : عند الغروب أكون دائماً هناك

    ظنك اجي أركع لرجلك

    مُساهمة  ولد صغرون في الأحد أغسطس 14, 2011 8:26 pm

    كتبت الشعر مو لجلـك ولكــــن فـاض بـي بركان
    وأما أنتي فلا تسوين قصيدة في نظر عيني

    حلفتي لي تصونينـي إذا صـار الزمـــن خــــــوان
    وأول مـــا عثـر حظـــــي علـى دربـــــك خذلتينـي

    كسر رمح الزمــن صدري وجيتك أشتكي حيـران
    نزعتي الرمـح من صدري وفي ظهري طعنتينـي

    خســـــــــارة كيف حبيـتك؟! نعـم والله ندمـــان
    غـــبـــي أدري نـعـم أدري مـا دام إنـك سكنتينـي

    سنـــــــه مـن عمـــــــري وأنـا فـي لعبتـك غرقـان
    أشيل الـــــشــوك من دربك وجرحـي كـان يدمينـي

    وكنت أبكي إذا تبكي وأكـون لبسمتـك فرحـــــــان
    وكنت أقرب من رموشك لعينـك يــــــــوم تبغينـي

    عرفتك للأسف صحـــــــراء وحولتـك إلـى بستـان
    وشلتيني غصن أخضـــــر وفي صخرك زرعتينـي

    حفرتك داخلي وظني تصوني عشرتـــــــي أزمـان
    وكنت أحفر قبر موتــــي علـى ســاحـل شرايينـي

    على كف الشقا نامت جروحي والألـم سهـــــران
    يحطمني .. يبعثرني .. وفي صحـراك يرمينـــــي

    ولكـــن عــــزتـــــي تفـرض أكـون بدنيتـي سلطان
    وإن ظنك أجي أركع لرجلــك... مـا عرفتينـــــــــي

    أنا مو عادتي أشحذ من أمثالك رضــــــا وإحسـان
    أمـــــــــــوت بـــعــــزتـي أرحـم ولا ذلــك يغطيـنـي

    وما دام الوفــــــــــا عنـدك يـدور لـه علـى عنـوان
    بدور لي على قلـب يصـــــــــــون الحـب وسنينـي

    ولو قلبـي رجـع حَبـك بولـــــع فيـه بالنيـــــــــران
    وبكســـــرهـا أنـا رجلـي إذا صوبــــــــك توديـنـي

    ولو دار الزمــــــن ضدك وجيتـي تطلبـي الغفـران
    وجبتي الشمـــــس فـي كفـك لعندي .. مـا بتلقينـي

    تقول الناس في وصفك جميلة مثل عـود البــــان
    وإنك أجمل وأحلى بشـــــــــر مخلـوق مـن طينـي

    وإنك غاليـــــة وأثمـن مـن الياقـوت والمرجـان
    تقوم أكوان مـن أجلـك وتقعـد لـك بلادينـــــــــي

    حــــــسافه غرهم شكلك ويـا مـا تخـدع الألــــوان
    عموماً.. بقت كلمة أخيرة لك على قلبي وسمعيني

    إذا كنتي بنظر غيري مـــــلاك على هيئـة إنسـان
    قسم بالله ما تسوين شعـــــــره مـن رمـش عينـي

      الوقت/التاريخ الآن هو الجمعة نوفمبر 24, 2017 4:24 pm